La chersèinta
Biànda chersèinta at tira la canèla,
et frézz in dal destrótt e t'ée d'farèina,
e t'impéss tótta quanta la cusèina
dal bòun udôr ch'a manda la padèla.
Quand it màgn'n a claziòun d'préma matèina
la véta a tótt la pêr un poch pió bèla,
anch s'i pèinsen che tótt al dè la pèla
is mèsren dal lavór a la cadèina.
Bòuna chersèinta, biànda cume al gran,
ch'et dèe la forza a qui ch'i fan fadiga,
bendàta et sii com'è bendàt al pan!
E al pan l'è tô fradèl, perchè la spiga,
ch'l'è fata ed sól e l'è vistida d'or,
a l'un e a l'ètra l'agh regala al cór.
La crescenta
Bionda crescenta ti tira la
cannella,
e friggi nello
strutto e sei di
farina,
e impregni tutta quanta la cucina
dal buon odore che manda la padella.
Quando ti mangiano a colazione di prima mattina
la vita a tutti sembra un po' più bella,
anche se pensano che tutto il giorno la pelle
si macerano per il lavoro alla catena (di montaggio).
Buona crescenta, bionda come il
grano,
che dai la forza a quelli che fanno fatica,
benedetta tu sia com'è benedetto il
pane!
E il pane è tuo fratello, perché la spiga,
che è fatta di sole ed è vestita d'oro,
a l'uno e all'altra regala il cuore.
