Festa della mamma

Poesia di Ferruccio Cambi

La mee mâma

Chi g'ha la Mâma, al g'ha al sóo Anz'l in Tèra,
e per de-piò, as sént, sémp'r un putén,
la Mâma, quând l'è vecia, l'è piò chèra,
e piò le vècia, piò l'as vól dal bén.

A gh'è del volt, che quând as sént despèra,
as córr da Lee, per dîr'gh el nôster pén,
e Lee, cói sóo manén, ch'is feven chèra,
l'as tîra atâch, fintânt, ch'a-n'n stám quietèn.

Ch'al sìa bendatt ! chi fà cuntént la Mâma,
fèrla felîza, e tgnîr'sla, avsén avsén,
l'è al fât piò bèl de st'mánd, che Lee la brâma.

E fèr che ... cól sparìr, luntân o avsén,
la sénta ch'l'èvmarìa, che la sóo Mâma,
la ghîva insgnèe, da dîr .. ai sóo anvûdén.

29 aprile 1946


La mia mamma.

Chi ha la mamma, ha il suo Angelo in terra,
e per di più, si sente sempre un bambino,
la Mamma, quando è vecchia, è più cara,
e più è vecchia, più ci vuole bene.

Ci sono momenti in cui, quando ci si sente smarriti,
si corre da Lei, per raccontarle le nostre pene,
e Lei, con le sue manine, che ci accarezzavano,
ci prende vicini, fintanto che non ci siamo calmati.

Che sia benedetto! chi rende contenta la Mamma,
farla felice e tenersela, vicina vicina,
è la cosa più bella di questo mondo, che Lei desidera.

E fare (in modo) che... andandosene, lontano o vicino,
ella senta quell'Ave Maria, che la sua Mamma
le aveva insegnato, per dirla ... ai suoi nipotini.